شاراعا ەڭبەك جانە حالىقتى الەۋمەتتىك قورعاۋ ۆيتسە-ءمينيسترى نۇرجان التاەۆ, ەڭبەك جانە الەۋمەتتىك ارىپتەستىك دەپارتامەنتىنىڭ ديرەكتورى نۇركەن تىلەۋوۆ, كاسىپوداقتار فەدەراتسياسى توراعاسىنىڭ ورىنباسارى ەرلان سايروۆ, «BI Holding» جشس باسقارما توراعاسىنىڭ قارجى جونىندەگى ورىنباسارى قايرات شاياحمەتوۆ قاتىستى.
«بۇگىنگى تاڭدا ەەب پورتالىندا 35 مىڭعا جۋىق بوس جۇمىس ورنى, سونداي-اق جۇمىس بەرۋشىلەردەن, جۇمىسپەن قامتۋ ورتالىعىنان, جەكە اگەنتتىكتەردەن جانە جۇمىس ىزدەۋشىلەردەن 70 مىڭعا جۋىق تۇيىندەمە ورنالاستىرىلدى. ەلەكتروندى ەڭبەك بيرجاسىنىڭ قىزمەتىنە 41 مىڭ جۇمىس بەرۋشى, 133 مىڭ جۇمىس ىزدەۋشى جۇگىنگەن. ەەب ارقىلى 112 مىڭ جۇمىس ىزدەۋشى جۇمىسقا تارتىلدى.
2018 جىلدىڭ قاڭتار-مامىر ايلارى ارالىعىندا ەلەكتروندى ەڭبەك بيرجاسىنا جەكە جۇمىسپەن قامتۋ اگەنتتىگىمەن 5 398 بوس جۇمىس ورنى ورنالاستىرىلدى. ەەب پورتالىنداعى «كەرى بايلانىس ءتارتىبى» بولىمىندە ءاربىر ازامات تەحنيكالىق ماسەلەلەر بويىنشا ءتيىستى ماماندارمەن بايلانىسىپ, وزدەرىنە قاجەتتى اقپاراتتاردى الا الادى. وتكەن جىلدىڭ ءبىر ايىندا پورتالعا كىرۋشىلەر سانى 141,4 مىڭنان اسىپ جىعىلسا, ءبىر ايدا قاراۋ سانى 2,5 ملن-عا جەتتى», دەدى ول.
سونداي-اق, ۆيتسە-مينيستر 2008 جىلدان بەرى ەڭبەك جانە حالىقتى الەۋمەتتىك قورعاۋ مينيسترلىگى جىل سايىن وتكىزىپ كەلە جاتقان «پارىز» سىيلىعى جايىنا كەڭىرەك توقتالدى. ن.التاەۆتىڭ ايتۋىنشا, بۇل تەك ايتۋلى ماراپات قانا ەمەس, سونداي-اق بيزنەستىڭ الەۋمەتتىك جاۋاپكەرشىلىگى باعدارلاماسى مەن جوسپارىن ويداعىداي ىسكە اسىرۋ ءۇشىن تاپتىرماس مۇمكىندىك. كونكۋرستى جۇرگىزۋ بارىسىندا 4,5 مىڭعا جۋىق شاعىن كاسىپورىن, ورتا جانە ءىرى بيزنەس وكىلدەرى قاتىسۋعا نيەت بىلدىرگەن.
راۋان قايدار,
«ەگەمەن قازاقستان»
